Parveen Shakir

Koo-Ba-Koo Phail Gaie  Baat Shana'saaie Ki,
Us Ne Khushbu Ki Tarah Meri Pazee'raaie Ki,

Kese Keh Doon K Mujhay Chorh Dia Hai Us Ne,
Baat To  Sach Hai  Magar  Baat Hai  Ruswaaie Ki,

Woh Kahien Bhi Gaya Lauta To Mere Paas Aaya,
Bas   Yahi   Baat   Hai   Achi,   Mere  Harjaaei  Ki,

Tera   Pehlu  Tere   Dil  Ki  Tarah   Aabad   Rahay,
Tujh Pe Guzray Na Qayamat Shab-e-Tanhaie Ki,

Us Ne Jalti Huie Paishaani Pe Jo Haath Rakha,
Rooh   Tak   Aagaie   Tanseer   Maseehai   Ki,